TARAYYA 41-42

TARAYYA

41

Not edited

Marubucin gskia baya rubuta abu acikin labarinsa batareda yayi bincike ko tambaya ba yayiwa abin cikakken sani kusani marubuci ba jahili bane sbd wata

tambayar ko comment din tamkar wanka da jirwayene akewa marubuci dan haka kusani ni bana rubuta abinda banida sani akansa.

Juyawa tayi tabasa baya zuciyarta na wani irin bugu sbd zafin maganar daya gama fada mata,

Kobai fadaba tasani yafi ganin girma da qimar suhailat sbd ko babu komai itace uwar 'yayansa kuma macen data girmama dukkanin abinda zaizo mata dashi saidai tasan itama baza'ace bata masa biyayyaba,,,,

Rintse idanuwanta tayi zuciyarta na sake jiyo mata zafin abin,

Da kishiyarta yake gaya mata maganar bata masa biyayya...sabon ciwon hakan taji ta rintse ido da qarfi tareda girgiza kai ta juya ta nufi qofa tana qoqarin maida kukanta.

Riqo hannunta yayi daidai lokacinda tazo wucesa ya dawo da ita gabansa yana kallon fuskarta data qi kallonsa saidai yanayinta ya nuna jin zafinsa ne cikin ranta.

Kujera ya nufa ya zaunar da ita ahankali kafin shima ya zauna tareda riqo hannunta cikin nutsuwa da kulawa yace,

Kina tunanin wannan itace mafita???

Kina tunanin a halinda muke ciki yanxune lokacinda yakamata mu ringa samun matsala akan abinda nake  buqata nakuma baki umarni?....

Kina tunanin sbd kare mahaifina nakeson dakatar dake daga abinda kike shirin aikatawa???

A musulince duk Wanda ya kashe a kashesa amma idan kashewar zata kawo kashe kashen bayin Allah da basujiba basu ganiba to an yarda abar Wanda yayi kisar sai ayi masa wani hukuncin kwatan kwacin zafin abinda ya aikata.

Kina tunanin sultan mahaifanki kawai ya kashe?

Sultan ya bada umarni ankashe mutanen da sukafi mahaifanki abin tausayi,

Ya maida yara qanana marayu babu adadi,

Ya saka mata zaman takaba babu adadi,

Duk kina tunanin yin kansa ne kokuma ra'ayin kansa ne???

Dana barki da tun a shrkaran jiyar kinzama abinda yafi sultan ha'dari dan kuwa da yanxu jinin mutanen da kika zubar yafara ta6a qwaqwalwarki...

Kinga abinda mu bamu ganiba labari kawai mukeji na asalin abinda ya faru har aka samu karagar kuma kinsan duk wata masifa dake bibiyar masarauta nan har yau ankasa samun Wanda zaiyi amfani da tunani da baairarsa domin kawo sauyi domin kuwa tun farko kisar cin amana ce ta samarda karagar kuma har yanxu kisar ce akeyi kina tunanin hakan shine mafita da sauyi tareda jin qan da talakawan qasar ke buqata bayan sune ake kashewa wainda basujiba basu ganiba.,

Kinason yankewa sultan hukuncin kisa bawai dan fadar musulunci ba saidan daukar fansar kisar iyayenka Wanda hukuncinki kwata kwata baiyiba a musulunce sbd kai tsaye fansa ne kika dauka,,

Kafin sultan anyi kashe kashe da dama wainda ma sukafi nasa dan haka...

Ina sonki bazan iya bari kibi hanyar da sauran sukabiba,

Bazan iya bari rayuwarmu ta lalace ba sbd rayuwata zata lalace ne daga lokacinda taki ta lalace dan haka bazan iya bariba,

 mahaifina tun tuni naso na kubutardashi daga hakan amma yayi aiki da qarfinsa na zama mahaifi agareni ya nesantani da kansa dan haka bazan sake aikata wannan kuskuren ba sbd ke din ikona ce.

Na auri suhailat shekaru shida zuwa bakwai yanxu...,

A cikin shekaru bakwai dinnan bantaba fada suhailat ta fadaba sbd soyayyarta gareni mai girma ce irin girmanda yake sakata shanye duk wani tauyewa dazai fito daga gareni.,

Kece rayuwata,kece abinda zuciyata tafiso fiyeda komai saidai gaskiyar maganar shine suhailat itace nutsuwata......itace mace mafi girma da qima a idanuwa na bayan mahaifiyata...

Rintse idanuwanta tayi da qarfi zuciyarta na tsananta bugawa jikinta na daukar rawa hawayenta na tsananta.

Kallon yanayinta yayi cikin damuwa yace,

I can't lie to you amma steps dinda kika fara son dauka sun fara ankarar dani babban kuskuren danake shirin aikatawa na barin suhailat ta fita daga rayuwata and idan kika cigaba da qoqarin binsa to tabbas zaki rasani......

Wani irin kuka ta fashe dashi mai qarfi da shiga zuciya tareda zamewa qasa ta zauna ta cusa kanta cikin qafafunta tana jin sabon nauyi cikin zuciyarta sbd dukkanin rayuwarta ta hargitse ta juya ta zama wani abu na daban,

Tana tunanin zatayi rayuwar aure mai dadai saidai gabaki dayama rayuwar auren data kowama ta lalace tun haihuwarsu masarautar ta hargitse takoma gidan baqin ciki sbd kowa yarasa gane inda aka dosa.

Dafata yayi ahankali tareda furta,

I love you queen ummu-rumanah bulama,

Ina sonki zanci gaba da sonki har numfashina na qarshe.

Miqewa yayi ahankali yabar dakin idanuwansa na qara kadawa zuwa jajir.

Sabon kuka tasaki bayan fitarsa tanajin maraici da baqin cikin wainda sukayi sanadin barowar iyayenta da gida har sukazo nan aka haifeta..wace irin rayuwa tasamu kanta ne aciki..

Tabbas tanason yankewa sultan hukuncin kisa ne badan ya cancanta ba sai dan daukar fansar kisar dayasa akayiwa iyayenta,

kwata kwata zuciyarta takasa yarda tayi masa hukunci akan dukkanin abubuwan dayayiwa bayin Allah kanta kawai da iyayenta take gani Wanda idan tayi masa kisa akan hakan sun zamo daya babu banbanci a tsakaninsu.

Kuka takeyi sosai tanason ko nauyin dake danne da zuciyarta ya sauka amma saima wani sabon qunci dake qara mata nauyi.

Kuka takeyi sosai tareda dafe zuciyarta dake mata tsananin radadi da ciwo,

Kukan datakeyi ayau yafi na ko yaushe sbd duk wani hope datake dashi akan zai sota wata rana ya rusashi dan kuwa ta tabbarda zuciyarsa ba ita takesoba kuma bazata ta6a sontaba.

Taso ta zauna dashi har qarshen rayuwarta sbd qaunarta garesa mai girma da tsafta ce saidai kuma hakan bamai yiyuwa bace sbd tasa zuciyar takai qololuwa gurin son wata

Saisai Bazataga laifin rumanah ba sbd tun kafin aurenta tasan babu soyayyarta a zuciyarsa saidai qauna da girmamawa zuciyarta ta dauki wannan sbd babu wata a zuciyarsa tana fatar tashiga wata rana saidai yanzu dayakeda wadda yakeso rayuwarsu su duka na neman lalacewa sbd soyayyarsa dan haka yau duk wani abinda takeson tabbatarwa ta tabbatar dan kuwa har abada bazai ta6a sonta tunda bai sota sbd 'yayanta da shekarun dasuka diba ba.

Ahankali ta tsaida kukanta saidai hawayenta dasuka kasa tsayuwa cikin muryar kuka da tsananin karaya tace,

Ka tarwatsa duk wata soyayyarka dake raina maheer.

Kallon abeel dake kwance tayi tabbas tana qaunarsa saidai bazata rayu dashiba dan kuwa zama a tsakanin iyayensa ya qare mata har abada.

Hawayenta dasuka kasa tsayuwa ta share tareda miqewa ahankali ta nufi wardrobe dinta ta bude.

Ahankali ta fidda dukkanin kayanta ta hada na abeel tareda duk wani abinsa dake gurinta.

Acikin daren babu Wanda yayi bacci acikinsu sbd babu Wanda yake cikin nutsuwa kowannensu tunanin step 'din dazai dauka dan kawo sauyi arayuwarsa mai kyau yakeyi.

Suhailat tagama yanke shawarar rabuwa dasu takoma qasarta sbd tabbas kota cigaba da zama zaman takurawa juna zasucigaba dayi musamman yanzu dayake buqatar lokacinda zai daidaita komai na masarautar ta hanyar matarsa dan haka tafiyarta shine mafita ga dukkaninsu gabaki 'daya.

Tsaye yake bakin windon palon sama na gidan khaleefa ya qurawa waje idanuwansa dake cikeda rashin bacci da damuwa..

Khaleefa dake zaune yana kallonsa cikin tsananin kulawa yace,

Kaine shugaba kuma kaine haqqin kawo gyara acikin zamanka da matanka ya rataya akanka.,

Tun farko kaso kawo gyara batareda ka hau ba Allah bai nufa ba sbd lokacin yanke ijabar baiyiba amma yanzu lokaci yayi sbd Allah yabaka dama da ikon kawo sauyi ta hanyar matarka dake qarqashin ikonka itace sarauniya....

Saidai kuma saikayi taka tsantsan gurin gyaran sbd zai iya kawo rashin fahimta da matsaloli ga rayuwar aurenku musamman suhailat......

Juyowa yayi ya zauna ahankali tareda rintse ido damuwarsa na ninkuwa sbd sanin rayuwace zasuyi sarqaqqiya sbd har abada bazai hada soyayyar dayakewa rumanah da wadda yakewa suhailat ba sbd soyayyar rumanah a jininsa take tun haihuwarta..

Yanayin iya qoqarinsa gurin ganin bai tauye haqqin suhailat da 'yayansa ba saidai zuciya batada shamaki akan abinda takeso wani lokacin Wanda hakan yafara jawo masa tsana daga suhailat abinda bazai taba fatar yakasanceba.

Dafasa khaleefa yayi cikin sanyin murya yace,

Musulunci ya yardar maka da kasaki matarka idan har babu sonta a zuciyarka sbd gudun shiga haqqi dan haka zaka iya duba hakan sbd a yanxu bazata iya jure abinda ta jureba lokacinda take ita kadai....

Rintse ido yayi da qarfi jin wani irin zafi daya soki zuciyarsa da khaleefa yayi maganar rabuwarsa da suhailat.

Miqewa tsaye yayi tareda nufar qofa ya fice batareda yace komaiba.

Kai tsaye part dinsa ya nufa harya kai qofa ya tsaya cak.

Juyowa yayi ahankali ya kalli qofar sashen suhailat da ake fita da akwatinanta.

Ya saki numfashi ahankali cikin wani irin yanayi na damuwa sbd yasan za'ai hakan.

Tabbas yana qaunar suhailat har cikin ransa kuma a shirye yakeda yin rayuwa da ita har mutuwarsa sbd abinda bata ganeba shine tanada wani matsayi mai girma a zuciyarsa na qima Wanda ko rumanah dayake so batadashi sbd ita zai iya rufe ido yayi mata wani abin amma bazai iya yiwa suhailat ba sbd akwai kunyarta mai girma a idanuwansa saidai bazai tilas ta mata ba ga duk abinda ta zaba akansa sbd ta cancanci abarta da abinda take raayi ayanxu.

Juyowa yayi ya nufi sashenta a karo na biyu duk tsawon zamansu Wanda hakan na yasakasa jin wata sabuwar gagarumar kunyarta.

Carolina ce a palo tana qoqarin fitowa da akwatinan qarshe wainda suke na abeel ne tana fitowa ta nufi sashen assultana dasu.

Bedroom dinta ya shiga alokacinda ta dauki handbag dinta da abeel zata fito.

Kallon juna sukayi dakyau

Ganin yana qureta da kallo yasata sauke kanta ahankali tareda kwantarda abeel ta 'dago ta qura masa ido ganin yanda duk ya rame lokaci 'daya yayi wani irin canzawa saidai kuma abin tausayin shine yana cikin wannan halin ne sbd halinda rumanah take ciki.

Gangarowa hawayenta sukayi ta sauke kai ahankali cikin sanyin murya da nutsuwa tace,

Ranar farko dana fara ganinka aranar nafara Sonka maheer ibn abdulshams abdallah,,

Kaine namiji 'daya da zuciyata ke so saidai babban kuskuren danayi shine na nacewa na aureka a tunanina zaka soni wata rana saidai ashe babban kuskure da shishigi nayiwa qaddarar datake jirana..

Kallon cikin idanuwansa dasukai jajir tayi tasaki murmushi mai ciwo tace,

Haryanxu ina sonka maheer abdulshams saidai bazan iya cigaba da zama dakaiba maheer sbd girman soyayyar danake maka bazanso zuciyata ta tsanekaba.

Ayau ina roqonka sbd darajar 'Yayana da soyayyata ka sauwaqemin na samu rayuwar data cancanta dani wannan rayuwar ta gidanka ba tawa bace na tabbatarda tawa tana wani guri tana jirana.

Rintse ido yayi akaro na farko dayaji ruwa sun ciko idanuwansa sbd ita ya girgiza kai yanason magana amma yakasa.

Ta riqo hannunsa tana qoqarin maida hawayenta tace,

Wlh idan nacigaba da zama dukkaninmu zamu cutu qarshe dukkaninmu zamu fada hanyoyinda bazasu amfanemu ba sbd zan iya canzawa na zama wata daban,

Canzawata zatasa ka tsaneni

Tsanata dazakayi zaisa matarka ta canza sbd zata riqa ganin itace abar so nikuma zata riqamin kallon mahaukaciya qarshe dukkaninmu zamu zama abinda bama fatar kasancewa...

Na yarda da aurenka shine qaddarata kuma na karbeta da hannu bibbiyu kuma ina fatar Allah yasa na cinye wannan jarabawar zuwa yanxu sbd zuciyata tafara gazawa dan haka nake roqon alfarma ta qarshe daga gareka dan Allah free me from this relationship

Wlh I'm in so much pain zuciyata zata iya bugawa kowane lokaci please free me maheer.

Girgiza kai yayi yana kallonta da idanuwansa dasuka canza daqyar ya iya furta,

Suhailat I need you in my life please don't.....

Girgiza kai itama tayi kukanta na qoqarin qwacewa tace,

Wlh bazan iyaba maheer,

Wlh mutuwa zanyi I've endured enough,

Duk abinda kamin na yafe maka ina fatar kaima ka yafemin

goodbye yarima maheer abdulshams.

'Daukar abeel tayi ta rungume wani irin ciwo mai zafi nacin zuciyarta ta rintse ido hawaye masu zafi suka gangaro mata tasaka hannu ta goge fice dakin.

Kodata fita palo Carolina da sauran masu hidamarta duk suna tsaye kowanne idanuwansa cikeda hawayen rabuwa da ita.

Kallonsu tayi tareda sakin murmushin qarfin hali ta fice sbd bazata iya cewa komaiba ta nufi sashen rumanah.

Zaune take a palonta tayi lamo ko motsi batayi ta qurawa gefe 'daya idanuwanta dasukai jajir suka bushe dukkanin wani abincin karyawa an Jere mata a gabanta saidai ko motsi batayiba bare takalli abincin gashi har rana tafarayi,

Ganin halinda take ciki yasa dukkanin masu hidimarta da masu tsaronta yau jikinsu asanyaye yake ko babban motsi ba'ayi a sashen tsit kakeji.

Da shaqaqqiyar muryarta datasha kuka tai sallama tashigo palon taganta zaune da alama agurin ta kwana tun jiyan sabd ganin kayan jikinta.

Ahankali taqaraso gabanta ta durqusa ahankali ta dora mata abeel ajikinta.

'Dago idanuwanta tayi a wahalce ta kalleta takalli abeel ta tashi zaune daidai tareda qurawa abeel 'din ido ta 'dago takalli suhailat ahankali ta iya bude baki sbd tsananin nauyi da ciwon kan datakeji tace,

Shine da kansa yace yabaki bayan nima nace nabar miki sh......

Nagode sbd kema kinyi abinda bakowace uwace zata iyaba ciki hardani kuwa sbd bazan ta6a iya bawa kowa 'dana dana haifaba,

Ina qaunar abeel qauna mai tsafta sbd shi 'din 'dan maheer ne kuma ina kallonsa amatsayin jemal dina dana rasa saidai zamansa hannuna bamai yiyuwa bane Allah ya albarkaci rayuwarsa.

Juyawa tayi ta nufi qofa ta fita batareda tasake cewa komaiba sbd batason bayyanarda hawayenta gaban rumanah tabarta da jin cewar kamar itace silar rabuwarsu.

#mamuhgee

TARAYYA

   wattpad@muhgee

   Haske writers association💡

42

Not edited

Kasa motsi tayi tabi bayanta da kallo harta fice ta jima tana kallon qofar kafin ta maido kallonta kan abeel daya farka yana kallon fuskarta ta rintse ido tareda rungumesa tana jin wata sabuwar damuwar sbd rashin sanin abinda yafaru yanxun.

Ahankali ta lumshe idanuwanta mafarkin abbanta datai yau yana dawo mata.

"Ummu-rumanah kibi mijinki a dukkanin umarninsa matuqar basu saba addininki ba sbd shine gatanki kadai yanxu aduniya,

Ki gujewa mulki sbd haqqoqin dubban mutane da bazaki iya daukaba sbd rauninki na zamowa 'ya mace kibarwa Allah komai ki gyara aljannarki."""

Kalaman da mahaifinta ya sanarda ita a mafarki kenan saidai abinda takasa ganewa shine ta yaya zata sauka mulkin batareda ta kawo sauyi da zaman lafiya a qasar ba.

Bude ido tayi tareda jinjina shawararda zuciyarta ke bata dan kawo qarshen komai saidai hakan wani abune mai girma dayakeda matuqar hadari saidai dole zata aikata hakan koda hakan shine ajalinta zatayi dan kawo qarshen rayuwar da alummar qasar suka samu kansu.

Tabbas qaddararta itace ta koro iyayenta daga gida ta kawosu nan sbd gashi abinda yafaru tun qarnikanda ko kakanninta ba'a haifa Ashe tana cikin qaddarar gashi itace zata kawo qarshen abin.

Hawayen tausayin mijinta da 'danta tareda ammy ne suka gangaro mata ta sauke kanta tareda sakin kuka ahankali sbd tasan sune zasufi kowa kukan rashinta arayuwa sbd sune wainda takeda matuqar mahimmanci arayuwarsa ta yanda rashinta zai matuqar ta6a rayuwarsu.

Sunansa ta furta ahankali cikin zuciyarta sbd tasan mutuwarta zata tarwatsa zuciyarsa zatabarsa cikin mawuyacin hali saidai tasan suhailat na nan zata kula dashi.

Miqewa tayi ta nufi dakinta ta kwantarda abeel ta zauna gabansa ta qura masa ido tana fidda sautin kuka ahankali sbd kukane takeyi sosai.

Tana fitowa sashen rumanah kai tsaye shashen ammy ta nufa bata nuna mata komaiba tasanarda ita zataje Mali.

Ammy dake fama da ciwon kai mai tsanani takalleta da idanuwanta ahankali tace,

Allah ya kiyayeki ya hadaki da alkairin dake cikin tafiyar.

Amin ta furta ahankali tareda juyawa ta fice dan dama su amah suna Mali tuntuni da aka fara wainan rudanin.

Motocin dazasu kaita airport na fitowa daga masarautar tasaki wani irin kuka ahankali tareda rintse idanuwanta tana furta Allah yabani juriya da danganar rabuwa dakai maheer.

Suna isa airport basuyi minti ashirin ba suka tashi daga qasar Ethiopia zuwa mali.

Lokacinda ta wuce tabarsa daqyar ya iya fita yabar dakin ya nufi part dinsa yana qoqarin danne halinda zuciyarsa ke ciki amma yakasa saida jiri ya zaunar dashi kan kujera da qarfi ya rintse ido ga mamakinsa saiyaji kamar hawaye na neman zubo masa yayi saurin dafe kansa da hannu bibbiyu jin kamar zai rabe masa sbd yasan bazai ta6a iya cireta aransa ba.

Ahankali ta qaraso bayansa ta tsaya tareda zuba masa ido tana sake danne hawayenta..

Bude idanuwa yayi ahankali sbd he can feel her presence.

Juyowa yayi suka hada ido atake takasa riqe kukanta tafara girgiza kai tareda sakin kukan

Ya ware hannunsa 'daya alamar tahowa garesa da gudu ta qarasa ta fada jikinsa ya rungumeta sbd shikansa yana buqatarta kusa ayanxu.

Kukan datakene yafara bashi mamaki ya 'dago fuskarta ya kalleta atake yaji kwanyarsa ta qarasa hargitsewa ya bude baki zaiyi magana tayi saurin 'dora bakinta cikin nasa tana tsiyar hawaye.

Ahankali tasaki bakinsa tana kallon fuskarsa dake bayyane da damuwa cikin tsananin sanyin muryar kuka tace,

Ina sonka yarima maheer abdulshams,

Kaine farin ciki da rayuwar ummu-rumanah bulama,

Kaine abinda zuciyata bazata iya jure rashinsa ba,

Ina maka qauna mai girma a tun ranardana fara ganinka agabana.,

Wlh bazan taba iya aikata kuskurenda zai nesantani dakaiba bare kwatanta rayuwa babukai..

Kasan mutuwane kawai banyiba a daren ranar daka furta rabuwa dani maheer abdulshams,

Ummu-rumanah bazata iya rayuwa babu kaiba sbd kaine jigonta kuma jagorarta..

Share hawayenta tayi tareda jan numfashi kukanta na rage sauti tace,

Wlh haryanxu zuciyata zafi da takeyi da zancen daka fadamin kana tunanin zan iya rayuwane wlh mutu.....

Maidata yayi jikinsa da sauri ya rungumeta yana girgiza mata kai dan bazai iya ko maganaba.

Qanqamesa tayi tana cewa,

Na tuba ka yafemin.

Dora hannu yayi abakinta yana sake rungumeta ahankali ya furta,

Maheer abdulshams loves you ummu-rumanah bulama.,

Ummu-rumanah bulama kece mahadin rayuwar maheer abdulshams.

Murmushin qarfin hali tasaki ahankali tareda sake kwanciya ajikinsa.

Shiru sukayi dukkaninsu ajiyar zuciyarta kawai ke fita akai akai

Sai kuma shi dahar lokacin tunani da damuwar tafiyar suhailat ne kawai cikin ransa,

Tana buqatar shan iska zai barta tasamu sarari idan yagama da matsalar mineelik ya tabbatarda rumanah ta fita daga cikin wannan masifar zaije yadauketa su koma Georgia gabaki 'dayansu.

A daren ranar nan ta kwana gurinsa tareda abeel saidai kusan dukkaninsu babu mai nutsuwar yin bacci saidai shiru sukayi a kwance kowannen da abinda yake damun zuciyarsa.

Washe gari koda aka tashi aka tararda Allah yayiwa mamani rasuwa

Koda aka dudduba dan tabbatarda meya kasheta aka gano saran maciji ne har guri biyu a wuyanta da gefen hannunta sbd wani irin canzawa da fatarta tayi takoma Kore Kore alamar qarfin dafin macijin mai ha'darine.

Lokacinda Jakadiya ta kawo mata saqon mutuwar suna zaune kan dining maheer na tilasta mata cin abinci.

Kallon Nuratu dake jera musu sauran abincin breakfast din tayi da sauri tareda miqewa tsaye sbd ganin halinda tashiga lokacinda Jakadiya tagama fadar saqon da sauri suka rungume juna nuratu na sakin wani irin kuka ahankali tareda rintse ido tana girgiza kai.

Hawayen tausayin nuratun ne itama suka ciko idanuwanta ta bubbuga bayanta cikin son daure kukanta dake zuwa na tausayin kansu sbd sun tabbata marayu iyayensu dasukazo nan suka haifesu sun rasu sun barsu ayanxu sune kadai 'yan uwan kansu.

Cikeda tausayawa Jakadiya takallesu cikin sanyin murya tace,

Allah ya gafarta mata laifukanta ya sadata da rahamarsa ina miqo ta'aziya ga assultana da 'yar uwarta nuratu akan wannan rashi.

Ganin tana neman rikicewa da kuka yasashi yiwa Jakadiya wani kallo

Atake tayi gyaran murya tana cewa,

Nuratu kizo muje kiyiwa mahaifiyarki addua kafin a fice da ita.

Sakinta rumanah tayi tareda kallon fuskarta tana hawaye tace,

Allah yabaki haqurin rashinta yasakamiki dauriyar yimata addua.

Kallon rumanar tayi sbd jin bata ambatarwa mamanin rahamar ubangiji ba ahankali ta bude baki cikin tsananin sanyin murya tace,

Ina roqorwa mahaifiyata yafiya ki yafe mata sbd qauna da amincin dake tsakanina dake dan......

Kije na yafe sbd qauna da amincin dake tsakaninmu saidai haqqin ran 'yayana data dauka wannan tsakanintane da ubangijinsu shida ya haliccesu.

Ahankali ta furta,

ina fatar Ubangiji ya yafe mata.

Juyawa tayi ta fice rumanah ta juya ta zauna tana qoqarin saita nutsuwarta kartayi kuka saidai Sam takasa sbd duk yanda mamani taqita takashe mata 'dah ita din tatace.

Ta bayanta ya rungumeta jikinsa ahankali yana cewa,

Sorry luv.

Shigewa jikinsa tayi tana daina kukan dan tana buqatar rarrashin gabaki daya ta rasa ina ta dosa da rayuwarta.

Jin tayi shiru yasashi shafa kanta cikin sanyin murya yace,

Allah baya barin haqqin wani akan wani gashinan kin gani.

Shiru tayi tana sauke ajiyar zuciya sbd tunowa da abinda zatai dan kawowa kowa sauqi da qarshen masifar sbd a yanxu abeel dintane kawai ake jira ya gia yahau dan haka bazata taba bari 'danta yahau wannan karagar ba sbd ajikinta tanajin masifa da balain dake cikinta yana yawo cikin jininta ita kadai tasan yaya takeji take daurewa sbd shirye take da yaqar komai akan qarfin soyayyar datakewa mijinta.

Abu taji na fitowa ta hancinta ta taba ahankali tashafo taga jinine da sauri ta goge sbd kar Maheer yagani.

Shigowar ammy yasashi sakinta suka miqe gaba dayansu murya a tausashe suka gaidata ta amsa tana kallon rumanah dataga tayi wani irin fayau kamar ba jini a jikinta ta tsaya gabanta tareda riqo hannunta suka koma kan royal cushions dake palon suka zauna tana kallonta cikeda mamaki tace,

Rumanah ki fadamin gskia lafiyarki kalau?

Gefen Maheer daya kafeta da ido ta kalla ta sauke kai cikin sanyin jiki tace,

Lafiyata kalau.

Girgiza kai ammy tayi tace,

Rumanah wlh bakida lafiya wannan abun na cin jininki duba kiga kina canzawa rumanah karki rufeni kifadamin gskiar abinda kikeji.

Dawowa yayi kusada ita ya zauna yana zuba mata ido cikin tuhuma ya riqo hannunta zai duba tafin hannunta ta zame hannun tareda girgiza kai tace,

Lafiyata klau banajin komai....

Hancinta ya qurawa ido cikin daukewar numfashi yakai hannunsa ya shafo jinin dake gangarowa daga hancin ya kalla jikinsa na rawa ammy ma cikin tsananin tashin hankali take kallon jinin...

Ganin suna kallonta tayi saurin shafowa taga jini sosai ta miqe tsaye wani irin jiri ya dibeta ta yanke jiki gurin ta fadi idanuwanta rufe jinin na sake ballewa daga hancinta.

Cikin masifaffen tashin hankali sukayi kanta ammy tuni tafara kuka tana kiran sunanta

Shikuwa daukarta yayi hankali amatuqar tashe yayi bedroom dinta da ita ya kwantar ya fidda waya atake yakira khaleefa dasu dr abeena tareda sauran manyan doctors nasu.

Tissue yasa yana goge mata hanci saidai Sam jinin yaqi tsayawa gashi tafara wani irin jijjiga a rikice ya qanqameta jikinsa yana kiran sunayen Allah ahankali muryarsa na rawa dan yasan bazai iya kwatanto rayuwa babu itaba.

A gigice dukkaninsu suka iso tareda nurses da duk wasu kayan aikinsu atake suka fara qoqarin tsaida jinin dan maqala mata oxygen sbd numfashinta daya fara mata wuyar ja.

Dafasa khaleefa yayi tareda kallon yanda duk jikinsa ya 6aci da jini cikin kulawa yace,

Kaje daga palo gurin ammy zakafi samun nutsuwar bari mu dubata.

Palo khaleefa ya rakosa ya zauna kusada ammy yakoma ciki shi.

Riqo hannunsa ammy tayi cikin tsananin damuwa da tausayinsa dana abeel dake rungume ajikinta tace,

Zataji sauqi insha Allah.

Jinjina mata kai kawai yayi sbd ko bude baki bazai iyaba bare magana.

Atake rashin lafiyar assultana ya yada koina nan koina gari yafara 'daukar tsit sbd rufe shaguna da kasuwanni.

Acikin masarautar kuwa Sam ba wani dogon motsi tako wane bangare sbd jiran tsammanin farfadowarta.

Daqyar suka samu suka tsayar mata da jinin aka maqala mata oxygen tareda ruwa da sauran abubuwan da suka kamata amma har lokacin bata farfado ba.

Bayan duk sungama abinda zasuyi aka bar nurses uku dan kulada ita suka fice.

Lokacinda yashiga yaga yanda takoma lokaci daya

Ya zauna bakin gadon tareda 'dora hannunsa kan nata ya rufe ido

Shikadai yasan radadi da ciwon da zuciyarsa ke ciki ganinta ahaka.

Ahankali yace,

Tana farfadowa zamu wuce bazan iya zama anan ba kuma.

Dafasa ammy tayi tareda yarda da abinda yafada dan itama tagaji da nan 'din tana buqatar nutsuwar rayuwa kota maida hankali gurin istighfar ga ubangijinta.

Sai tsakiyar dare ta farka tareda bude idanuwanta ahankali ta qurawa masa ido yana zaune bakin gadon hannunsa cikin nata a damke idanuwansa a lumshe saidai tasan ba bacci yakeyiba.

Ahankali ta bude baki da siririyar murya ta furta,

Abu abeel..

Bude idanuwansa yayi da sauri tareda tashi zaune daidai yana kallonta fuskarsa na bayyanarda tsananin farin cikin daya shiga na ganinta.

#mamuhgee.